Ուդայպուրի աշխարհաքաղաքական երկխոսության 3-րդ համաժողով

23 մարտի, 2024

2024թ. մարտի 22-23-ը Հնդկաստանում ՀՀ դեսպան Վահագն Աֆյանը մասնակցել է «Usanas» հիմնադրամի կողմից Հնդկաստանի Ուդայպուր քաղաքում կազմակերպված ամենամյա աշխարհաքաղաքական երկխոսության 3-րդ համաժողովին (MPAGD 2024), որի ընթացքում հանդես է եկել Հայաստան-Հնդկաստան հարաբերություններին նվիրված ելույթով:

Իր խոսքում դեսպան Վ. Աֆյանը, մասնավորապես, անդրադարձել է երկկողմ հարաբերությունների վերջին շրջանի դինամիկ զարգացումներին, տարբեր ոլորտային համագործակցության ակտիվացմանը, Հարավային Կովկասի տարածաշրջանային խաղաղության ապահովմանն ուղղված Հայաստանի ջանքերին՝ առանձնանշելով ՀՀ կառավարության կողմից ներկայացված «Խաղաղության խաչմերուկ» նախաձեռնությունը:

Համաժողովին մասնակիցում էին տարբեր երկրների դիվանագետներ, փորձագետներ, այդ թվում Հնդկաստանի ԱԳՆ և այլ պետական կառույցների գործող և նախկին պաշտոնյաներ, ինչպես նաև մի շարք երկրներում գործունեություն ծավալած դեսպաններ: Երկօրյա քննարկումներին իրենց մասնակցությունն են ունեցել նաև Հայաստանի կիրառական քաղաքականության հետազոտական (ԱՊՐԻ) անկախ վերլուծական կենտրոնի ներկայացուցիչները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր